НҮБ дэлхийн 17 орон өлсгөлөнд нэрвэгдэнэ гэж дүгнэв
![](http://nutag.mn/uploads/posts/2024-06/medium/1718284988_screenshot-2024-06-13-212254.jpg)
Дэлхийн 17 оронд хүнсний хангамж муудаж магадгүйг НҮБ-ын Хүнс, хөдөө аж ахуйн байгууллага сануулж байна. Тус байгууллагын ОХУ-тай харилцах албаны дарга Олег Кобяков Санкт-Петербургийн олон улсын эдийн засгийн чуулганы үеэр хэлсэн үгэндээ "Өлсгөлөнд нэрвэгдсэн хүмүүсийн талаар тоо баримт бий. Дэлхийн халуун цэгүүдэд нөхцөл байдал хэвээр үргэлжилбэл өөр 17 улсад хүнсний хангамж тасалдаж магадгүй гэж таамаглаж байна" хэмээжээ.
Түүний хэлснээр, өлсгөлөнд нэрвэгдээд буй халуун цэгүүд нь Йемен, Газын зурвас, Судан, Өмнөд Судан, түүнчлэн Африкийн бусад улсууд аж. Байнгын зэвсэгт мөргөлдөөн, уур амьсгалын өөрчлөлт, байгалийн гамшиг зэрэг нь өлсгөлөнгийн шалтгаан болж байна.