БАЯНГОЛ ДҮҮРГИЙН ГАЗАР ЗОХИОН БАЙГУУЛАЛТЫН АЛБАНЫ АХЛАХ МЭРГЭЖИЛТЭН Ц.БАЯРМАГНАЙ: 

НИЙТИЙН ЭРХ АШГИЙГ НЭН ТЭРГҮҮНД ТАВИХ БОЛНО. Баянгол дүүргийн Газар зохион байгуулалтын алба, “Газрын зөрчил арилгах, орчны аюулгүй байдлыг хангах, Нийслэлийн Засаг Даргын 513 тоот захирамжийг хэрэгжүүлж байна. Нэн тэргүүнд, Иргэдийн эрүүл, аюулгүй орчинд амьдрах эрхийг ханган газар ашиглалтыг сайжруулах, явган хүний зам талбайн хүрэлцээ хангамжийг нэмэгдүүлэх, авто замын түгжрэлийг бууруулах зорилгоорзөрчил арилгах, газар чөлөөлөх ажлууд шат дараатайгаар хийгдэж байна. Энэ жилийн газар чөлөөлөх ажил төр хувийн хэвшлийнхэн хамтарч хийж байгаагаараа онцлог болж байна. Бизнес эрхлэгчид, иргэд нийгмийн хариуцлагаа ухамсарлаж, харилцан ойлголцож., газар чөлөөлөлтийн ажил хийгдэж байна. Өнөөдөр Баянгол дүүргийн 7 хороо, Ард-Аюушийн өргөн чөлөө 29 байрны эргэн тойронд байрлаж байсан 6 төмөр чингэлэгийг ачиж, нийтийн эдэлбэр газрыг чөлөөллөө. Ер нь сургууль, цэцэрлэг, эмнэлэг, орон сууцны хороололын орц гарц хаасан, явган хүний зам талбайг чөлөөлөх арга хэмжээг нэн тэргүүнд авч хэрэгжүүлж байна. Нийтийн эрх ашиг, нэн тэргүүнд байх ёстой.

“НАЙДВАР 29,30” СӨХ-НЫ ДАРГА Д.БАТСҮХ:

Нийтийн эдэлбэр газар зөвшөөрөлгүй төмөр чингэлэгүүд олон жил болсон. Энд 468 өрхийн 3000 гаруй хүн амьдардаг. Орчны бохирдол маш ихтэй. Ил задгай бие засдаг. Хүмүүс тойрч суугаад архи дарс уудаг. Хог новшоо хаядаг, үнэхээр хэцүү байлаа. Өнөөдөр Баянгол дүүргийн Газар зохион байгуулалтын алба энэ байдлыг цэгцэллээ. Маш их баярлаж байна. Газар ерөөсөө багадахгүй. Одоо энэ газрыг нийтийн эзэмшлийн зориулалтаар ашиглана. Мод бут тарина. Хүүхэд хөгшид нарлах хэсэгхэн ч болтугай тохитой газрыг бий болгоно. Иргэд ийм л зүйл хүсч байна.

Манай компани энэ барилгыг 2005 онд хувь хүнээс худалдаж авсан. Үйл ажиллагаа явуулж эхэлсэн цагаас хойш оршин суугчдын ая тухыг хангах, дүүрэг, хорооноос зохион явуулсан арга хэмжээгдэмжин ажиллах, тавьсан шаардлагыг биелүүлэх.Орчны тохжилтийг сайжруулах, гэрэлтүүлэг болон камержуулалт аюулгүй байдлыг хангах тал дээр анхаарч ажиллаж ирсэн. Бид сайн хөршүүд, найрсаг харилцааг эрхэмлэж ирсэн. Тухайлбал манай барилгын өмнөх камерын 24 цаг тасралтгүй найдвартай ажиллах боломжийг хангаж, эрчим хүчээр хангах шугамыг өөрөөсөө тавьж өгсөн. Хоёр тийшээ харсан тус камерын бичлэг нь Баянгол дүүргийн цагдаагийн байран дээр бичигддэг. Ер нь манай энэ хавь олон хөлийн газар гэхэд их намуухан. Хүмүүс нь соёлтой. Орчин нь цэвэрхэн ийм хороо. Манай компани Баянгол дүүргийн Газар зохион байгуулалтын албанаас тавьсан, хүний орц гарц нээх, зам чөлөөлөх шаардлагыг хүлээн авч биелүүлж байна. Цаашдаа ногоон байгууламжийг нэмэгдүүлэх, орчны тохжилтийг сайжруулах хэд хэдэн ажлуудыг хийж гүйцэтгэнэ. Бусад бизнес эрхлэгчдэдээ Төр засгийнхаа шийдвэрийг дэмжиж ажлаарай. Бие биенээ хүндэтгэсэн, хүлээн зөвшөөрсөн харилцааг эрхэмлээрэй гэж уриалмаар байна.

Өнөөдөр БГД-ийн 1, 3 дугаар хорооны нутаг дэвсгэрт газрын зөрчил арилгах, хоёр чөлөөлөлт хийгдлээ. “Си Жи Эс” мэдрэлийн эмнэлэг явган хүний гарцан дээр өргөтгөл хийн хаасан байсан. Өнөөдөр чөлөөлж орц гарц нээж өглөө.Мөн 65-р байрны урд талд байсан төмөр хашааг буулгаж, явган хүний зам гаргалаа. Тус газрыг Монвакум компани зориулалтын дагуу зөвшөөрөлтэйэзэмшиж байсан. Гэхдээ иргэдийн тавьсанхүсэлт шаардлагыг уламжилж, харилцан ойлгоцож хашаа чөлөөлөлт хийгдлээ.

Явган хүний замтай болсондоо баяртай байна. Энэ орон сууцны хороололд нийтдээ 1250 хүн амьдардаг. Гэтэл явган хүний зам байхгүй, машин замаар явган хүн ч явна, машин ч явна. Хотын төвийн дүүрэг, ийм байж болохгүй л дээ. Аваар осол гарах улмаар бэртэж гэмтэх. Өвөлдөө үзэгдэх орчин хязгаарлагдмал хэцүү байлаа. Төр засаг маань ямар ч байсан иргэдээ сонсож байна. Тэдний тавьсан шаардлагыг хүлээж авч байна. Хэрэгжүүлж байна.Энэ залуучууд ч гэсэн өөрсдийнхөө ажилчдын хүчээр хашаагаа чөлөөлөөд өгч байгаа нь сайхан санагдаж байна. Иргэдийнхээ өмнөөс Нийслэлийн газар зохион байгуулалтын алба болон дүүргийн газар зохион байгуулалтын албаны хүүхдүүдэд баярлаж байна.

Мэдээж газар үнэтэй. Гэхдээ хүмүүсийн амьдрах орчин аюулгүй байх ёстой. Нийтийн эрх ашгийн хэрэгжүүлж байгаа ажлууд, арга хэмжээг дэмжиж ажилдаг.Манай компани нийгмийн хариуцлагын хүрээнд Баянгол дүүргийн Газар зохион байгуулалтын албанаас тавьсан шаардлагыг хүлээн авсан. Өнөөдөр явган хүний зам тавих газрыг чөлөөлж өглөө. Энд хийгдэх тохжилтийн ажилтай уялдуулан манай компани үзэгдэх орчны нөхцөл байдлыг сайжруулах тал дээр хэд хэдэн ажлыг төлөвлөөд байна.