Спорт - Bayangol.nutag.mn http://bayangol.nutag.mn/ ru Спорт - Bayangol.nutag.mn DataLife Engine Монгол Улсын Гавьяат тамирчин Б.Цэвээндаш 1,418 км замыг туулаад эх орондоо ирлээ http://bayangol.nutag.mn/index.php?newsid=3090 http://bayangol.nutag.mn/index.php?newsid=3090 Монгол Улсын Гавьяат тамирчин, уулын спортын олон улсын хэмжээний мастер, бэлтгэл хурандаа Б.Цэвээндаш өнгөрсөн сараас Улаанбаатар-Бээжин-Тяньжин маршрутаар гүйлтээ эхлүүлсэн билээ.
Тэрбээр 34 өдрийн бүтэн марафоноор нийт 1,418 км замыг туулж БНХАУ-ын Тяньжин хотод гүйлтээ өндөрлүүлсэн байна.
Өчигдөр эх орондоо ирсэн Б.Цэвээндаш "Бүтэн марафон 34 өдөр гүйж, замаа дуусгалаа. Сайн үйлсийн аянд зориулж өвөл, хаврыг дамжсан гүйлт маань энэ хүрээд өндөрлөж байна. Энэ гүйлтэд маань их олон хүн тусалж дэмжсэн. Хамтарч ажилласан БНХАУ-ын түншүүд маань маш сайхан хүлээж авлаа. 
Хаалтын ёслолын үеэр БНХАУ-ын талаас Дэлхийн Эрүүл Мэндийн Элч гэдэг хүндтэй шагналыг олгосон. Мөн тус улсын Эдийн Засаг, Статистикийн Судалгааны Хүрээлэнгээс "Нэг бүс - Нэг зам, хайр ба сайн үйлсийн элч"-ээр шагналаа.
Гүйлтээр дамжуулж эрүүл зөв амьдрах, байгаль эх дэлхийгээ хайрлах соёлыг цаашид ч түгээнэ. Энэ гүйлт маань маш олон хүнд урам өгсөн болов уу.
Хэлсэн амандаа хүрч гүйлтээ яг гүйцээсэн. Гүйлтийн хугацаанд ямар нэг бэрхшээл тохиолдсонгүй. Монголын нутгаар Замын-Үүд хүртэл 661 километр, Эрээнээс Бээжин хот хүртэл 757 километр замыг гүйж дуусгалаа. Намайг дэмжсэн монголчууддаа баярлалаа. Энэхүү гүйлтийнхээ талаар баримтат кино хийж, ном бичих сонирхолтой байгаа.
Дасгал хөдөлгөөн хийхээс залхуу хүрээд байвал өөрийгөө ташуурдаж босгоод алхаж, гүйж байгаарай. Архи, тамхиа хаяж Баасан гарагийг биеийн тамир спортоор хичээллэдэг өдөр болгоорой залуусаа.
Гүйнэ гэдэг бясалгал. Ажил чинь бүтэхгүй, стресстээд байвал гараад гүйгээрэй" гэв.
Б.Цэвээндаш нь дэлхийн дээвэр болох Эверест оргилд өмнөд, хойд замаар авирсан цөөхөн монгол уулчдын нэг юм. Тэрбээр 2012 онд Балбын талаас авирч байсан бол дөрвөн жилийн дараа Хятадын талаас оргил руу мацсан түүхтэй.  
Тодруулбал 2016 оны тавдугаар сарын 21-нд Төвдийн талаас Эверестийн оргилд гарснаар өмнөд, хойд замаар авирсан хоёр дахь монгол уулчин болж байв. Түүнээс өмнө Монгол Улсын Гавьяат тамирчин Г.Өсөхбаяр ийм амжилт үзүүлж байсан юм.
]]> zulaa Fri, 27 Mar 2026 09:46:05 +0800 "Астана дэлхийн цом-2025" тэмцээнээс мөнгөн медаль хүртлээ http://bayangol.nutag.mn/index.php?newsid=2945 http://bayangol.nutag.mn/index.php?newsid=2945
Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025"  тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.
Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна. 
Баг тамирчид тус тэмцээний өөрийгөө хамгаалах болон тулааны төрлөөс  2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм. 


]]> zulaa Tue, 21 Oct 2025 09:40:34 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://bayangol.nutag.mn/index.php?newsid=2914 http://bayangol.nutag.mn/index.php?newsid=2914
ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.
Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.










Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.
Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог  бөгөөд орон даяар нийт 510 багийн 2000 гаруй хүүхдийг хамруулсан юм.
undefined
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.
Спортын өсөлтийг дэмжигч – ХААН Банк
]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://bayangol.nutag.mn/index.php?newsid=2912 http://bayangol.nutag.mn/index.php?newsid=2912
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.
Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.






ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.






Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ.
Спортын өсөлтийг дэмжигч – ХААН Банк
]]> zulaa Thu, 28 Aug 2025 16:29:14 +0800 Месси, Суарес нар хөл бөмбөгийн клуб байгуулжээ http://bayangol.nutag.mn/index.php?newsid=2866 http://bayangol.nutag.mn/index.php?newsid=2866
Хойд Америкийн хөл бөмбөгийн лигийн “Интер Майами” багийн тоглогчид болох Лионел Месси, Луис Суарес нар хамтран хөл бөмбөгийн “Депортиво ЛСМ” гэдэг нэртэй клубийг байгуулжээ. Энэ тухай Суарес Х сүлжээн дэх хуудсандаа бичсэн байна.  

“Алтан бөмбөг” шагналыг 8 удаа хүртсэн Аргентины хөлбөмбөгчин Л.Месси, “Барселона”-гийн бүрэлдэхүүнд 5 удаа Испанийн аваргаар шалгарсан Уругвайн хөлбөмбөгчин Л.Суарес нарын байгуулсан тус баг Уругвайн аварга шалгаруулах тэмцээний 4-р дивизионд тоглох ажээ.

ЛСМ гэдэг товчлол нь хөлбөмбөгчдийн нэрсийнх нь эхний үсгүүд юм. “Өнөөдөр миний бие өсвөр насныхныг өсөж дэвжихэд нь туслах боломжийг Уругвайн хөл бөмбөгт санал болгож байна. Үүний тулд бид Уругвайн хөл бөмбөгийн холбооны ивээл дор болдог тэмцээнүүдэд клубээ оролцуулахыг хүсэж байгаа юм. Үүгээр мөрөөдөл маань дуусахгүй, бид мөрөөдлөө гэр бүл, найз нөхөд, ойр дотны хүмүүстэйгээ хуваалцах болно.

Хүүхэд ахуй цагаас хойш бидэнд нийтлэг зүйлс маш олон байсан, бид хөл бөмбөгийн оргилд гарсан үедээ туршлагаа хуваалцсаар ирсэн. Иймээс миний бие өнөөдөр өөрийн найз, нэг багийн андыгаа танилцуулах гэж байна.

Энэ төсөл бол хөл бөмбөгийн талаарх ирээдүйн төсөөллөө хуваалцах маш сайхан боломж юм” гэж Суарес бичжээ. Месси, Суарес хоёрын тоглодог “Интер Майами” баг 14 тоглолтод 23 оноо авснаар Хойд Америкийн хөл бөмбөгийн MLS лигийн Дорнод бүсийн тэмцээний хүснэгтийн 7-р байрт бичигдэж байгаа бөгөөд 29-нд талбайдаа “Монреаль” багтай тоглоно. 

]]> zulaa Wed, 28 May 2025 15:55:47 +0800 Америк сагсанбөмбөгч Индонезид цаазын ял авч магадгүй болжээ http://bayangol.nutag.mn/index.php?newsid=2852 http://bayangol.nutag.mn/index.php?newsid=2852
Индонезийн “Тангэраг Хоукс” багт тоглодог Жарред Шоу хэмээх америк сагсанбөмбөгч цаазын ялтай гэмт хэрэг үйлдсэн байна.
Түүнийг Тайландаас марихуантай чихэр нууцаар хил давуулан оруулах гэсэн үйлдэл дээр нь баривчилжээ. Сүкарна Хатта нисэх онгоцны буудалд түүний 20 илгээмжийг шалгахад дотроос нь 870 граммын марихуантай чихэр гарчээ.
Индонезийн Цагдаагийн газрын үзэж буйгаар бол Жарред Шоу энэхүү марихуантай чихрийг багийнхаа тоглогчдод тарааж өгөх төлөвлөгөөтэй байсан гэнэ. Тэрбээр санаа сэтгэлээ амраах, тайвшрахад марихуан хэрэглэдэг гэдгээ хүлээн зөвшөөрөд, интернэтээр дамжуулан Тайландаас оруулж ирдэг гэдгээ ч хүлээжээ.
Индонезийн хуулийн дагуу хар тамхины төрлийн зүйл хил давуулан нууцаар оруулах үйлдэлд 20 хүртэлх жил хорих, мөн бүх насаар нь хорих, бүр цаазын ял ч оноох боломжтой ажээ.
]]> zulaa Fri, 16 May 2025 12:29:49 +0800 Арслан цолны хүндэтгэлд Ц.Бямба-Отгон арслан түрүүлэв http://bayangol.nutag.mn/index.php?newsid=2847 http://bayangol.nutag.mn/index.php?newsid=2847
Үндэсний үйлдвэрлэгч "Арвайн Үндэс" ХХК-тай хамтран 16 дахь жилдээ зохион байгуулж буй Улсын арслан цолны хүндэтгэл Улс, аймаг, цэргийн цолтой хүчит 120 бөхийн барилдаанд Өвөрхангай аймгийн Төгрөг сумын харьяат, “Нутгийн Буян” групп, Барилга инженерийн цэргийн удирдах газар, "Их Монголын Хүчтэн" дэвжээний бөх, улсын арслан Цэдэнсодномын Бямба-Отгон түрүүлж, Хөвсгөл аймгийн Галт сумын харьяат, "Сүлд" спорт хороо, Нуман Сүлд ХХК, "Хөвсгөлийн Хүчтэн" дэвжээний бөх, улсын өсөх идэр начин Чинчулууны Батчулуун үзүүрлэв.
Дөрөвт Хөвсгөл аймгийн Тосонцэнгэл сумын харьяат, "Эрч" спорт хороо, Монос групп, "Хөвсгөлийн Хүчтэн" дэвжээний бөх, улсын арслан Ц.Содномдорж, Сэлэнгэ аймгийн Цагааннуур сумын харьяат, "Алдар" спорт хороо, Атар Трейд ХХК, АПУ ХК, "Таван Хан" дэвжээний бөх, улсын арслан Б.Орхонбаяр нар шалгарлаа.
Наймд улсын заан Ц.Одбаяр, улсын харцага Б.Цэдэнсодном, улсын начин Э.Батмагнай, улсын начин Э.Мөнхжаргал нар үлдэв.
Зохион байгуулагчдын зүгээс Улсын цолд ойрхон бөхийн шагналыг аймгийн хурц арслан Н.Амгаланбаатар гардууллаа. Тус барилдааны түрүү бөх 5 сая, үзүүр бөх 3 сая, дөрөвт үлдсэн бөхчүүд тус бүр 1 сая төгрөг гардсан юм.
Дараагийн барилдаан тавдугаар сарын 17-ны бямба гарагт 14:00 цагаас Аймаг, цэргийн начин цолтой бөхчүүдийн барилдаан, тавдугаар сарын 18-ны ням гарагт 11:00 цагаас Дорнод аймгийн Баян-Уул сумын ЕБС-ийн түүхт 100 жилийн ойд зориулсан Аймаг, цэргийн цолтой болон залуу 256 бөхийн барилдаанаар тус тус үргэлжилнэ.
]]> zulaa Tue, 13 May 2025 15:19:05 +0800 Дөрөвдүгээр сард болох бөхийн барилдааны хуваарь http://bayangol.nutag.mn/index.php?newsid=2805 http://bayangol.nutag.mn/index.php?newsid=2805
Монголын үндэсний бөхийн холбооноос дөрөвдүгээр сард зохион байгуулах барилдааны хуваариа гаргажээ. Тэгвэл дөрөвдүгээр сард улс, аймгийн цолтнууд оролцсон тав, аймаг, цэргийн цолтнуудын нэг, сумын цолтнуудын нэг  барилдаан зохион байгуулах юм байна.
Түүнчлэн, дөрөвдүгээр сарын 20, 27-нд Улаанбаатар хотын аварга  шалгаруулах Чансаа өндөр бөхчүүдийн  3х3 халз  барилдаан зохион байгуулагдахаараа онцлогтой аж. Ингээд дөрөвдүгээр сарын заалны барилдаануудын  хуваарийг танилцуулъя.
  • Дөрөвдүгээр сарын 1-нд: Дорнод аймгийн Чойбалсан   хотод  “Дорнын Хүчтэн” дэвжээний нэрэмжит улс аймгийн цолтой 128 бөхийн барилдаан,
  • Дөрөвдүгээр сарын 5-нд:Сумын цолтон болон залуу бөхчүүдийн ээлжит барилдаан,
  • Дөрөвдүгээр сарын 6-нд:Сүхбаатар аймгийн Онгон сумын 100 жил, Улсын өсөх идэр харцага Дахын Одсүрэнгийн нэрэмжит улс аймгийн цолтой 128 бөхийн барилдаан,
  • Дөрөвдүгээр сарын 12-нд: Монгол улсын Ерөнхий сайд, Улсын хошой баатар,  Маршал Х.Чойбалсангийн нэрэмжит улс аймгийн цолтой 128 бөхийн барилдаан,
  • Дөрөвдүгээр сарын 19-нд: “Хамбын бор”, “Урт гарт” хэмээх  Монгол Улсын  хүчит  арслан  Маамын Лхагвын нэрэмжит улс, аймаг, сумын цолтой хүчит 256 бөхийн барилдаан,
  • Дөрөвдүгээр сарын  20-нд: Улаанбаатар хотын аварга  шалгаруулах Чансаа өндөр бөхчүүдийн  3х3 халз  барилдаан,
  • Дөрөвдүгээр сарын  21-нд: Завхан аймгийн Баянтэс сумын  шинэ спорт заалны нээлтийн барилдаан,
  • Дөрөвдүгээр сарын  26-нд: Нийслэлийн МАН-ын нэрэмжит Улсын аварга цолны хүндэтгэл улс, аймаг, цэргийн цолтой хүчит 128 бөхийн барилдаан,
  • Дөрөвдүгээр сарын  27-нд: Улаанбаатар хотын аварга  шалгаруулах Чансаа өндөр бөхчүүдийн  3х3 халз  барилдаан тус тус зохион байгуулагдана.
Эх сурвалж:www.polit.mn 
]]> zulaa Fri, 04 Apr 2025 13:26:45 +0800 Баянгол дүүргийн үндэсний мөсний шагайн харвааны аваргууд өнөөдөр тодорно http://bayangol.nutag.mn/index.php?newsid=2738 http://bayangol.nutag.mn/index.php?newsid=2738
НИТХ, НЗДТГ болон Монголын Үндэсний Мөсний шагайн холбоо хамтран нийслэлийн зургаан дүүргийн иргэдийн дунд Үндэсний мөсний шагайн харваа өвлийн спорт наадгай, сургалт-тэмцээнийг нэгдсэн байдлаар зохион байгуулж буй. 
Өнөөдөр Баянгол дүүргийн иргэд, тамирчдын дунд тус арга хэмжээ эхэллээ. Баянгол дүүрэг 34 хороотой. Үүнээс 20 хорооны 50 гаруй иргэн сургалт-тэмцээнд бүртгүүлж, мөсөн дээрх харвааны цэц мэргэнээ сорьж байна. Мөсөн шагайн харвааны сургалт-тэмцээнийг Баянгол дүүргийн хэмжээнд сүүлийн дөрвөн жил тасралтгүй зохион байгуулж байгаа бөгөөд 2025 оны Мөсөн шагайн мэргэжлийн харваачдын дүүргийн аварга шалгаруулах тэмцээнийг хамтатган зохион байгуулж байгаа юм.
Энэ сарын 22-ны өдөр Үндэсний цэцэрлэгт хүрээлэнд эхлэх Улаанбаатар цом шигшээ тэмцээнд Баянголчууд уухайлан оролцохоор ийнхүү бэлтгэл хангаж, дүүргийн аварга харваачдаа шалгаруулж байна.
Шигшээ тэмцээнд нэг баг хоёр хүний бүрэлдэхүүнтэй байх бөгөөд нийт зургаан дүүргийн сургалт харваа бүрээс шалгарсан таван багийн 60 харваач хоёр дэвжээнд хуваагдан харвана. Харваач тус бүр 20 сум, багаараа 40 сум тавина. Багийн дүнгээр хамгийн өндөр оноотой баг 1, 2, 3, 4, 5-р байрт шалгарна. Мөн хувийн оноогоор хамгийн өндөр оноотой харваачдыг 1, 2, 3, 4, 5-р байрт шалгаруулах гэнэ. Баянгол дүүргийн Мөсний харваан аваргуудын нэр өнөөдөр орой тодорно.
]]> otgoo Thu, 13 Feb 2025 19:46:34 +0800 С.Цэрэнчимэд П.Орхоноос даагаа нэхэж, Т.Тулга дээд жиндээ түрүүлэв http://bayangol.nutag.mn/index.php?newsid=2704 http://bayangol.nutag.mn/index.php?newsid=2704
Чөлөөт бөхийн эрэгтэйчүүдийн 62, эмэгтэйчүүдийн 27 дахь удаагийн насанд хүрэгчдийн УАШТ Монгол бөхийн өргөөнд эхэлсэн. Энэ жилийн УАШТ нь Монгол Улсын гавьяат тамирчин, “Москва-1980” олимпын хүрэл, “Мехико-1978” ДАШТ-ий хүрэл медальт, Монгол Улсын 12 удаагийн аварга Дугарсүрэнгийн Оюунболд агсны нэрэмжит болон болж байгаа юм. Лос Анжелесын олимпийн циклийн эхний улсын аваргад 22 байгууллагын эрэгтэй, эмэгтэй нийт 265 тамирчин 10 жинд өрсөлдөж байна.
 Ч.ОТГОНТУЯА ТҮРҮҮЛЭВ
Эмэгтэйчүүдийн 53 кг-ын жинд Ч.Отгонтуяа түрүүлж, Ц.Намуунцэцэг мөнгөн медаль хүртлээ. Эдгээр бөхчүүд хэсгийн шатнаа учраа таарахад Ч.Отгонтуяа 9:8 харьцаатайгаар ялсан юм. Ч.Отгонтуяа финалд хий зайгүй нягт барилдсанаар өрсөлдөгчөө цэвэр давж түрүүллээ.
Хүрэл медалийг Бямбасүрэнгийн Халиун гардав. Тэрбээр медалийн төлөөх барилдаанд “Дархан Хасу Fohow” клубийн бөх Г.Цовоог хүч, техникийн илт давуугаар буулгаж авсан.
С.ЦЭРЭНЧИМЭД, П.ОРХОН НАРЫН УЧРАА
Насанд хүрэгчдийн УАШТ-ий эхний өдрийн гол анхаарал “Алдар”-ын хоёр гавьяатын барилдаанд төвлөрч байлаа. Өнгөрсөн жил тэд Буянт-Ухааг шуугилж, эцсийн хоромд шийдэгдсэн барилдааны ялагчаар П.Орхон тодорсон.
Тэгвэл өнөө жил С.Цэрэнчимэд гавьяатын тонгорох мэх дархан байлаа. Хоёр гавьяатын барилдаан ганцхан онооны зөрүүтэй шийдэгдэж, С.Цэрэнчимэд УАШТ-д долоо дахь түрүүгээ дархлав.
“Баянгол Аваргууд” академийн тамирчин Эрдэнэбилэгийн Саруул өрсөлдөгч бөхөө 30 секундэд буулгаж авснаар хүрэл медаль зүүлээ.
Б.МӨНХ-ЭРДЭНЭ ДАРААЛАН ТҮРҮҮЛЭВ
Эрэгтэйчүүдийн 57 кг-ын жинд “Төгс” дэвжээний бөх Б.Мөнх-Эрдэнэ түрүүлж, аваргаа хамгааллаа. Мөнгөн медалийг С.Жигүүр хүртэв.  “Алдар” спорт хорооны бөх М.Даваабанди энэ жингийн насанд хүрэгчдийн УАШТ-ээс хоёр жил дараалан хүрэл медаль зүүлээ. Харин энэ жингийн нөгөө хүрэл медалийг “Баянгол Аваргууд” академийн тамирчин Л.Мөнх-Од гардсан юм.
Э.ДАВААНАСАН УАШТ-Д ДӨРӨВ ДЭХ УДААГАА ТҮРҮҮЛЭВ
ДАШТ-ий мөнгөн медальт, ОУХМ Э.Даваанасан эмэгтэйчүүдийн 76 кг-д итгэл төгс түрүүллээ. Тэрбээр бүх барилдаандаа цэвэр ялахдаа нэг ч оноо алдаагүй юм.
Энэ нь түүний УАШТ-ий дөрөв дэх түрүү болжээ.
Хилийн цэргийн 0303-р ангийн тамирчин Г.Уртнасан мөнгөн медаль хүртсэн. Ингэснээр тэрбээр УАШТ-ий хоёр мөнгө, хоёр хүрэл медальтай болж байна.
Залуу тамирчин О.Цэлмүүн насанд хүрэгчдийн УАШТ-ий анхны медалиа авлаа.
61 КГ-ЫН ЖИНД Т.ТҮВШИНТУЛГА ТҮРҮҮЛЛЭЭ
Эрэгтэйчүүдийн 61 кг-д Т.Түвшинтулга түрүүлж, З.Занабазар үзүүрлэлээ. Харин “Цаст тайга” клубийн тамирчин Н.Ганбаяр, “Аврагч” спорт хорооны бөх Э.Энхболд нар хоёул өрсөлдөгчөө цэвэр ялж хүрэл медалийн эздээр тодорлоо.
Ц.ЦОГБАДРАХЫН ДӨРӨВ ДЭХ АЛТ
Насанд хүрэгчдийн УАШТ-ий эрэгтэйчүүдийн 65 кг-д дэлхийн аваргын отгон медальт Ц.Цогбадрах итгэл төгс түрүүллээ. Тэрбээр шигшээ барилдаанд “Аваргууд” академийн Д.Төрбаярыг цэвэр дарсан аж.
Ц.Цогбадрахын хувьд УАШТ-д дөрөв дэх удаагаа түрүүлсэн нь энэ.
Залуу тамирчин Б.Зэнээмэдэр, Б.Гантулга нар насанд хүрэгчдийн УАШТ-ий анхны медалиа авсан байна.
ГАВЬЯАТ ТАМИРЧИН Т.ТУЛГА ДЭЭД ЖИНДЭЭ ТОРОЛГҮЙ ТҮРҮҮЛЛЭЭ
ДАШТ-ий хүрэл медальт, “Парис-2024” олимпын V байрын шагналт гавьяат тамирчин Т.Тулга жин өгсөж 70 кг-д барилдаад итгэл төгс түрүүллээ. Тэрбээр аваргын төлөөх барилдаанд Б.Өсөхбаярыг оноогоор цэвэр ялсан.
Б.Өсөхбаярын хувьд өмнө нь УАШТ-ээс хоёр хүрэл медаль аваад байсан бол энэ удаа мөнгө дээр буув. Т.Өглөөжаргал УАШТ-ий хоёр дахь хүрэл медалиа хүртсэн бол А.Анх-Эрдэнэ насанд хүрэгчдийн УАШТ-ий анхны медалиа өөрийн болгосон юм.
ЭХ СУРВАЛЖ: МОНГОЛЫН ЧӨЛӨӨТ БӨХИЙН ХОЛБОО
]]> zulaa Tue, 21 Jan 2025 15:16:39 +0800